Околу 1000 мигранти останаа на отворено на дождот кој врне на меѓуграничниот премин од доцна синоќа.
Покриени со најлони и ќебиња, чекаат да им дојде редот да влезат на територијата на Македонија и да се качат на возот кон Србија.
Од другата страна на бодликавата жица е полицијата која исто стои на дождот кој речиси постојано паѓа од синоќа и во текот на денот.
Bо близина на железничката станица се поставени метални тенди и настрешници кои служат како инмровизирани прифатни центри.
Тука на мигрантите им се дава прва помош со оглед дека имаат рани на нозете од долгото и напорно пешачење со километри, но има и епилептични напади поради стресот како и колапси од умор.