ВИДЕО: Драстично помалку граѓани на денешниот протест кај “Мајчин дом”

Од:

По денешната изјава на градоначалникот на Аеродром, Златко Марин за моментално стопирање на изградбата на 9 катницата кај “Мајчин дом” граѓаните во драстично помал број излегоа на протест кај овој дел од општината каде покрај групата граѓани и случајните минувачи, превентивно присутни се и припадниците на полицијата. Присутните излегоа на булеварот, каде го блокираа собраќајот.

Искра Манојловска од граѓанската организација “Сакаме Аеродром да дише” во име на граѓаните од општина истакна рече дека не се изненадени од оваа одлука на градоначалникот Марин за стопирање на изградбата која е очекувана после вчерашниот протест.

-Очекувавме ваква одлука бидејќи истото го направи и минататиот градоначалник Ивица Конески кој интервенираше дури откако граѓаните реагираа за оваа градба. Нема да паднеме два пати на иста финта, утре јадрото на организаторите имаат средба на која ќе се одлучи како ќе се дејствува понатаму, рече Манојловска додавајќи дека се уште не се знае дали ќе учествуваат на седницата во општина Аеродром закажана за в петок.

Градоначалникот Марин на денешната прес-конференција информираше дека изградбата е времено стопирана на 15 дена поради одредени неправилности на градилиштето.

Тој за петок закажа вонредна седница на која треба да се изнајде заедничко решение за овој проблем, а на која се поканети сите засегнати страни.

Виктор Јованов

Би можело да ве интересира

(ВИДЕО) Голем протест во Чешка – граѓаните стравуваат за независноста на јавните медиуми

А1он

Атина: Повеќе од 50 лица вооружени со палки упаднаа на еден собир и фрлија молотови коктели

Париз не се откажува од солзавецот и шок-бомбите: Полицијата мора да се брани

(ВИДЕО) Полицијата со палки ги растера демонстрантите во Лисабон, отстранети се десетици шатори

(ВИДЕО) Најмалку 325 лица се уапсени на пропалестински протест во Лондон

Француската левица повикува на нов бран протести: „Министерот не е тој што треба да одлучува“