Демолиран е локалниот штаб на ДУИ во прилепското село Канатларци каде партијата на Али Ахмети за прв пат излегува со пратенички кандидати, јави Алсат-М.
Носителот на листата за пратеник во четвртата единица, Неџати Јакупи, изјави дека штабот на неговата партија ќе продолжи да функционира, иако тој е речиси целосно искршен. Јакупи додаде дека овој чин е без преседан. Од МВР велат дека случајот со демолирање на штабот на ДУИ е пријавен и дека се работи во расветлување и откривање на сторителите.