Левичарските активисти, од движењата „Ленка“ и „Солидарност“, членови на Комунистичката партија на Македонија, синдикалци, активисти и поединци левичари ја формираа новата политичка партија Левица.
Во ситуација на хронична сиромаштија и огромни класни разлики, во ситуација на квази-демократија, кога народот е незадоволен од постоечките партии и кога се појавуваат само нови партии од стари политичари, го објавуваме формирањето на Левица, нова партија, со нови лица, со нови идеи, велат од Левица.
Левичарите велат дека повеќе нема да дозволат работниците, сиромашните и обесправените да немаат за кого да гласаат и на овие избори.
Нема да дозволиме и на овие избори работниците, сиромашните и обесправените да немаат опција за кого ќе гласаат. Богатите имаат десет и повеќе партии, сиромашните и обесправените немаат ниту една. Не мислиме да ги оставиме улиците, нема да престанеме да протестираме против неправдите, но не им го оставаме Парламентот. Крајно време е во него да се слушне гласот на народот, велат од партијата.
