Филипче: Сиљановска ја избра најкорупмпираната власт која ја носи Македонија во изолација

Од:

Претседателката Гордана Сиљановска-Давкова застана на страната на „најкорумпираната и криминална влада во историјата на државата“, оцени денеска лидерот на СДСМ, Венко Филипче, по нејзиното обраќање во Собранието.

Според Филипче, со поддршката што ѝ ја дава на актуелната власт, претседателката директно ја води Македонија кон изолација и ја затвора европската перспектива на државата.

„Се потврдува тоа што го зборувавме со месеци – оваа влада, а денес и претседателката, ја водат Македонија кон изолација. Европската приказна за нас е завршена, нема да има вистински реформи и следи голема криза“, рече Филипче.

Тој изрази жалење што Сиљановска-Давкова, како што рече, не застанала на страната на мнозинството граѓани кои сакаат целосна европска интеграција, туку поддржала „квази реформи“, особено во правосудството.

„Законите што се носат ќе значат дополнителна партизација – партиски обвинители и судии, со цел продолжување на коруптивните практики и крадење на парите на граѓаните“, истакна Филипче.

Лидерот на СДСМ предупреди и на сериозна економска и социјална криза – најавено поскапување на електричната енергија, отсуство на договор за раст на платите и застој во социјалните трансфери.

„Нема договор со синдикатите, нема зголемување на платите – ниту за работниците, ниту во образованието и здравството“, рече тој.

Филипче посочи и на, како што рече, „дупка во буџетот од околу една милијарда евра“, која ќе се пополнува со нови задолжувања, како и на загубата на над 100 милиони евра од ИПАРД програмата поради корупција.

„Европа го запира финансирањето, земјоделците остануваат без поддршка, а младите секојдневно ја напуштаат земјата“, нагласи Филипче.

Тој заклучи дека со ваквите политики Македонија се претвора во „црна точка во Европа“, со енергетски кризи, изолација и целосен недостиг на структурни реформи.

Би можело да ве интересира

Филипче на Конференција за проширувањето на ЕУ во Унгарија

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

Сиљановска-Давкова: Родово базираното насилство стана епидемија, потребни се итни мерки

Филипче: Во Буџетот нема пари за зголемување на платите – нема развој, само долгови и камати

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

Сиљановска-Давкова на Самит во Даблин: Европа не треба да си дозволи да остане недоволно поврзана со Западен Балкан

А1он