Филипче: Платите на специјалистите во „Св. Еразмо“ зголемени за 27.000 денари

Од:

Министерот за здравство Венко Филипче денеска ја посети Специјалната болница за ортопедија и трауматологија „Св.Еразмо“ во Охрид.

Во оваа јавно-здравствена установа, согласно протоколите за спречување на ширење на коронавирусот, времено во функција е ставен новиот амбулантски дел, каде се третираат пациенти, како и посебен дел за пациенти со Ковид-19.

На средбата со директорот и вработените, министерот Филипче се заблагодарил на целиот медицински персонал за макотрпната работа и напорите кои ги вложуваат за спас на секој живот, особено сега, во справувањето со пандемијата предизвикана од коронавирусот.

– Во изминатите две и пол години значително ги зголемивме платите на сите здравствени работници. Согласно тоа, во просек, доктор-специјалист во оваа установа во 2017 година примал 53.015 денари нето плата, а со сите покачувања, сега докторот специјалист во истата установа прима 80.291 денари нето плата. Платата на медицинска сестра со висока школа од  26.740 денари нето во 2017 година, во 2020 година е зголемена на 32.315 денари, потенцираше Филипче.

Во Специјалната болница, истакна Филипче, во изминатиот период значително се подобрени и условите за пациентите и вработените, а во кругот на болницата е отворен и Центар за рехабилитација, едукација и сензорна интеграција за лица со аутизам, АДХД и Аспергер синдром.

Би можело да ве интересира

Над 40 камери прегледани и над 15 лица сослушани во врска со убиството на докторот во Железара

Предраг Петровиќ

Чолакова-Дервишова: Лекарите не се чувствуваат безбедно, сакаат построги казни за напад на здравствените работници

Чолакова-Дервишова: Лекарите не се чувствуваат безбедно, сакаат построги казни за напад на здравствените работници

Матичните лекари неколку часа нема да работат поради убиството на докторот во Железара

Пендаровски со поддршка за младите лекари, секој мора соодветно да биде вреднуван за својот труд

Младите лекари се жалат: Сите положивме, а само неколкумина повикаа на платена пракса

Орце Костов