Претседателот на СДСМ, Венко Филипче, на денешната прес-конференција рече дека најавите на премиерот дека со партиски протести наводно ќе се бори против партизираното судство се оксиморон и доказ дека целта е само партизација односно ставање на судството под капа на власта.
-Заканите на премиерот дека ќе се случел народ на судството е порака дека тој признава судство само по своја мерка и дека не сака ниту подобро, ниту пак независно судството. На некој начин таа изјава е оксиморон односно со партиски протести ќе се борат против наводно партизирано судство и нема поголем доказ крајната цел е само партизација. Наместо да се спроведат вистински реформи коишто сега за прв пат после толку години се на маса ќе се протестирало, тоа е апсурд и политика без преседан. И доколку се случат такви пртисоци врз целокупниот правосуден систем, верувајте довербата од 2% ќе се намали на нула во следниот период, рече Филипче.
Претседателот на СДСМ потсети дека судството со години е слабо поради корупција, бавни постапки и политички влијанија. Тој нагласи дека ниту една влада во изминатите 30 години не направила доволно за вистински реформи во правосудството, но дека сега за првпат реформите се на маса.
-Апелирам Владата да престане со партиските притисоци врз правосудството и синдикатите и конечно да тргнеме по патот на вистинските реформи, заклучи Филипче, нагласувајќи дека СДСМ ќе ја даде целосната поддршка за усвојување на сите закони од Реформската агенда во Парламентот.