Болничките капацитети во струмичката болница се проширени и на располагање се 100 кревети за пациенти заразени од Ковид-19. Министерот за здравство денес од Струмица повторно порача да се почитуваат мерките и сите лимитирања. Тој уверува дека болниците во целата држава се подготвени за да ги хоспитализираат пациентите и ако е потребно ќше се прави ротација на болничките одделенија.
„Иако медицинскиот персонал е изморен, уверувам дека со системот на ротација имаме доволно капацитет да ги опфатиме сите болници во државата. Апелирам да се почитуваат мерките а ние сме подготвени и доколку има влошување на состојбата со заразата“, рече Филипќе по денешната посета на струмичката болница.
На тимот во Струмица се приклучиле двајца инфектолози а доколку биде потребно и кадарот од интенистичките оделенија ќе се приклучи во третманот на пациентите заразени со Ковид-19.