Министерот за здравство д-р Венко Филипче утре, петок (07.05.2021) во 12:00 часот, ќе ја прими вакцината против коронавирусот на вакциналниот пункт во спортската сала „Борис Трајковски“, информираа од Министерството за здравство.
И Филипче, како и премиерот Зоран Заев, кој денеска ја прими првата доза од вакцината „Синофарм“, се одлучи за имунизација со кинеската вакцина.
На почетокот на кампањата за вакцинацијаа, премиерот и министерот изјавуваа дека ќе се вакцинираат меѓу првите, за да дадат личен пример и да ги охрабрат граѓаните.
Сепак, пред нив, заклучно со денес, се вакцинираа сите пратеници и вработени во Собранието, припадници на МВР, армијата, вработени во државната управа… вкупно околу 100.000 граѓани.
