Обвинителите Фатиме Фетаи и Гаврил Бубевски влегоа на судењето за предметот „Монструм“. Фетаи не одговори на новинарските прашања, само прокоментира дека предметите од СЈО со овластување ги презело Јавното обвинителство.
„Борбата за правда продолжува“, рече Фетаи.
На денешното рочиште треба да бидат пуштени „бомбите“ за случајот „Монструм“.
Петкратното убиство се случи на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски.
Во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.
Врховниот суд во декември 2017 година ја укина пресудата и ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост.
По укинувањето на пресудите, случајот „Монструм“ го презеде СЈО и предметот беше вратен на повторно судење.