Фетаи бара притвор за Сашо Мијалков и Бедредеин Ибраими

Од:

Обвинителката на СЈО, Фатиме Фетаи побара притвор за обвинетите Сашо Мијалков и Бедредин Ибраими во предметот „Титаник 2″, кои судот ги осуди на казни затвор од 3 и 4,6 години.

dobivaj vesti na viber

Мерката притвор е да се спречи опасноста од бегство, рече Фетаи.

За ексчленот на ДИК, Бедредин Ибраими, поради неговото однесување за време на судската постапка, во кое со потсмев говорел за штетата од 20 илјади денари во предметот, обвинителката Фетаи побара судот да му изрече построга мерка притвор.

Обвинителката на СЈО по изрекувањето на пресудата за предметот „Титаник 2″, побара обвинетиот Мендух Тачи да се јавува еднаш неделно во судот, поради опасност од бегство, имајќи предвид дека се однесувал коректно за време на судењето.

Фетаи истото го побара и за обвинетите Влатко Сајковски, Сашо Срцев и Анета Стефановска.

Претходно судот го осуди на три години затвор за поранешниот шеф на тајната полиција, Сашо Мијалков. Судечкиот совет составен од судиите Огнен Ставрев и Осман Шабани и тројца поротници ги осуди на казна затвор од 3 години и два месеци години лидерот на ДПА, Мендух Тачи, и поранешниот член на ДИК, Бедредин Ибраими на казна затвор од 4 години и 6 месеци.

Поранешните членови на ДИК, Сашо Срцев, Влатко Сајковски и Анета Стефановска добија на казни од 3 години за незаконското поништување на гласањето на локалните избори во Струмица во 2013 година поради политичко влијание.

Васко Маглешов

Би можело да ве интересира

(ВИДЕО) Интервју со синот на Катица Јанева: Во пералната и фонтаната ни бараа прислушкувани разговори, мајка ми има што да каже, ќе дојде ден

Кристијан Ландов

Предистрагата за високите бонуси на поранешните специјални обвинители не мрда од „мртва точка“

Кристијан Ландов

Дума и Кондарко повторно сведочеа во „Титаник 2”

Ана Ололовска

Продолжува судењето за „Титаник“

Катерина Павлова-Николовска

Не се загрозува ниту еден предмет покренат од СЈО со враќањето на повторно одлучување, вели Заев

Ана Ололовска

Разрешен поротникот Сандев, четири предмети од СЈО ќе почнат од почеток

Кристијан Ландов