„Пред околу еден месец по претходна потерница од американската полиција (FBI) а во соработка со ИНТЕРПОЛ и македонската полиција, била запленета компјутерска опрема на стружанец, син на заменик директорката на едно од средните училишта од Струга“.
Ова го пишува порталот СТРУГА.МК кој посочува дека се работи за Ангел С. кој „извршил електронски упад во мрежата на моќни институции во Америка по што бил откриен од безбедносниот систем уште на првото ниво од заштита при што му било овозможено да влезе во виртуелен систем се додека не бил лоциран и откриен односно додека не му биле откриени IP и MAC адресите од неговиот компјутер а потоа FBI во соработка со ИНЕТРПОЛ и нашата полиција се пристапило кон приведување на стружанецот кој направил компјутерски криминал со тоа што прекршил многу закони и ги повредил правата за заштита на личните податоци“.
Порталот наведува дека целиот случај станал поинтересен откако се вмешала мајката на Ангел и почнала да реагира до високи претставници на власта во Македонија, а нејзини блиски пријатели.
„Дали Ангел ке одговара како и останатите кои направиле повреда на лични податоци преку електронски криминал или Ангел ке биде третиран како син на моќната мајка“, пишува порталот.
Според информацијата на СТРУГА:МК семејството важи за политички активно семејство од кое има повеќе членови поставени на раководни места во општината.