При претрес на домот на Н.С. (32) од с. Средорече, општина Дебрца е пронајдена бојна пушка М-48, ловна пушка „Текче“ руско производство, калибар 12 милиметри, воздушна пушка „Камо“ калибар 4,5 милиметри од шпанско производство и гасен пиштол, германско производство,калибар 8 милиметри, со три испукани чаури.
Поголем дел од пронајденотот оружје е украдено и за него лицето не поседувало дозвола.
Според информациите од МВР лицето Н.С, во периодот од 14-ти до 30-ти Март, оваа година, преку помошна просторија, влегол во домот на лице од Охрид, при што, од таванот ги одзел бојната пушка М-48, калибар 7,9 милиметри со пет куршуми.
Против него ќе бидеат поднесени пријави за кражба, недозволено изработување, држење и тргување со оружје или распрскувачки материи“
Гасниот пиштол го поседувал С.С. (25) брат на пријавениот, без дозвола и против него ќе биде поднесена прекршочна пријава.