Вчера попладне, во 14.40 часот на локалниот пат село Велешта – село Долна Белица, струшко, полициски службеници од Полициската станица Струга го лишиле од слобода 56-годишниот Х.А. од Република Албанија, извести МВР.
– Тој бил затекнат при извршување кражба во плац за авто делови. Одземените предмети биле пронајдени и вратени на сопственикот, а лицето било приведено во полициска станица, соопшти МВР.
По целосно документирање на случајот против него ќе биде поднесена соодветна пријава.