Конзервативната и демохристијанска европска политичка партија, Европската народна партија, EPP, на официјалната интернет-страница, ја напиша опозициската ВМРО-ДПМНЕ како партија од Република Северна Македонија. Ова значи дека најголемата политичка групација во Европскиот парламент официјално го прифати Преспанскиот договор и новото име на државата.
Oфицијалниот став на партијата ВМРО-ДПМНЕ е дека Договорот од Преспа со кој беше постигната промена на името на државата за севкупна употреба е капитулација за државата. Членка на ЕПП е и грчката партија Нова демократија, која беше против Преспанскиот договор да помине во парламентот во Атина. Европската народна партија е формирана во 1976 година од воглавно демохристијански партии. ЕПП е најголема партија во Европскиот парламент од 1999 година, и во Европскиот Своет од 2002 година.
Васко Маглешов