Европска комисија без коментар како ќе влијае врз Македонија исходот од изборите во Бугарија

Од:

Европската комисија очекува Северна Македонија да го промени својот устав, обврска преземена од Скопје, за да може да ја закаже втората меѓувладина конференција, на која ќе почнат преговорите за членство на земјата во ЕУ.

Ова го изјави портпаролот на Европската комисија одговарајќи на новинарско прашање дали изборите во Бугарија ќе влијаат на односите меѓу двете земји и преговорите за членство на Северна Македонија во ЕУ, а пренесе бугарската национална телевизија БНТ.

Европската комисија одби да го коментира влијанието на бугарските избори врз односите меѓу Софија и Скопје. Во Брисел ги чекаат конечните резултати од изборите.

– Европската комисија работи со секоја влада избрана по демократски избори во земјите на ЕУ, прецизираше портпаролот.

Тој исто така рече дека во моментов е во тек процес на ревизија на законодавството на Северна Македонија за да се утврди дали е во согласност со европското законодавство. Според портпаролот, процесот се одвива без проблеми, а се очекува да заврши до есен.

Како следен чекор, Брисел очекува Скопје да направи измени на Уставот, како што вети, за да може да продолжи процесот на пристапување во ЕУ.

Би можело да ве интересира

„Војната“ помеѓу ЕУ и Кина официјално започна

ЕУ донесе нов правилник за Шенген и гранична контрола

Горан Наумовски

Дејвид Гир од Тетово: Сакаме да работиме со сите кои го унапредуваат патот на земјата кон ЕУ

Комисијата на ЕУ ги повика Скопје и Атина да се држат до договорот за промена на името

Орце Костов

Амбасадорите на ЕУ се согласија да стават уште четири руски медиуми на листата на санкционирани

Стано: ЕУ очекува новите власти на Северна Македонија да продолжат со успешниот пристапен пат