По средбата во Брисел која заврши без договор, еврокомесарот за проширување, Јоханес Хан, ги повикува политичките лидери да најдат компромис во интерес на граѓаните и за да не се загрозат евроатланските интеграции на Македонија.
„Разговорите беа отворени и детални, но се уште не доведоа до конечен договор. Европската унија ги повика сите страни – во интерес на својата земја и нејзините граѓани – да изнајдат траен политички компромис без одложување и да се произнесат со конкретни предлози за оваа цел, со што би се постигнал договор врз основа на веќе постигнатиот во Скопје на 2 јуни. Реформите на кои се обврзаа партиите со договорот, и за кои сите се сложија, мора да бидат имплементирани по итна постапка. Ова е од суштинско значење за земјата да направи каков било напредок на патот кон евро-атлантските интеграции. Европската унија сега ќе разгледа како најдобро да придонесе за политичкиот процес во земјата и останува подготвена да ги олесни дискусии“, стои во официјалната изјава на Хан по средбата.
На денешниот состанок присуствувале и пратеникот на Европскиот парламент, Иво Вајгел, шефот на делегацијата на ЕУ во Македонија, амбасадорот на САД, Џес Бејли и генералниот секретар на EEAS.