Новиот мандатар Христијан Мицкоски ги оцени како опасна игра изјавите на дел од челниците на ДУИ со кои како што рече изгледа се обидуваат да предизвикаат етнички тензии.
– Етноцентристичките изјави на дел од претставниците на дУИ ги следам внимателно, можеби на тој начин се обидуваат да предизвикаат меѓуетничка нетрпеливост и да ги сведат преговорите за новата влада на тоа колку министерства добиле Албанците. Ова се опасни игри и ако продолжат вака вистината набрзо ќе излезе на виделина, рече Мицкоски.