Сакам да ги повикам сите Роми кои што живеат во општина Шуто Оризари да сфатат дека наспроти паролата на СДСМ дека доаѓа живот, животот не е дојден. Сакам да ги прашам дали животот доаѓа кога некој треба да ме тепа и удира во глава, рече кандидатот за градоначалник на Шуто Оризари, Елвис Бајрам на денешниот митинг.
Тој повика на 15. октомври граѓаните да излезат и да го казнат СДСМ уште во првиот круг и кажа дека неговата здравствена ситуација не е добра, но се појавил на митингот за да ги предупреди жителите на Шуто Оризари, што ќе се случи „доколку другите дојдат на власт“.
– Ова ви го кажувам од сето срце и душа и ве повикувам на 15. октомври да излезете и да гласате за бројот 18 и мене, а воедно и да гласате за градоначалникот на град Скопје, Коце Трајановски, рече Бајрам.