Екс претседателот на ОК на ВМРО-ДПМНЕ за Центар, Томислав Лазаров се изјасни за виновен во случајот „насилство“ и рече дека длабоко се кае за стореното дело во постапката за нарачаното насилство во општина Центар.
Поранешниот министер за транспорт и врски од ВМРО-ДПМНЕ, Миле Јанакиески, на денешното рочиште се изјасни за невин.
-Ниту сум сторил, ниту се чувствувам виновен, рече пред судот Јанакиески.
Пратеничката од ВМРО-ДПМНЕ, Даниела Рангелова исто така рече дека не е виновна.
Обвинетите во случајот Јордан Ристовски, Александар Трајковски, Дарко Стојчевски, Даниел Трипуновски, Трајче Петковски, Милан Андоновски, Митко Пецев, Борче Богдановски и Игор Бошковски се изјаснија за невини.