Еко-свест: Град Скопје усвојува плански документи без ги праша скопјани

Од:

Од еколошката организација Еко-свест ги обвинуваат градските власти дека се обидуваат да усвојат важни плански документи за градот без консултации со жителите на Скопје.

„Сакаме да посочиме дека преку медиумите дознаваме дека на седницата на советот на град Скопје закажана за утре, 27.10.2020 во 11:00 часот на прва точка на дневниот ред е донесување на Зелен Акциски план за град Скопје. Иако овој план треба да ја подобри состојбата со животната средина во градот и како таков ги засега сите негови жители, досега немало никакви јавни консултации ниту соодветно информирање за процесот,“ велат од Еко-свест.

„Според член 65 од Законот за животна средина сите плански документи во оваа држава подлежат и на Стратегиска оцена за влијание врз животната средина, документ кој не е приложен како дел од документацијата заедно со Зелениот Акциски план за град Скопје. Не знаеме ниту дали Министерството за животна средина и просторно планирање како надлежен орган било консултирано и учествувало во изготвувањето на планот.

Ваквиот однос на локалните власти е сосема спротивен на заложбите на Владата која се стреми да обезбеди
транспарентност во носењето на политиките од јавен интерес во насока на приближување на нашата земја кон ЕУ.

Уште во јули 2019 година Еко-свест реагираше дека документот се работи без консултација и информирање на јавноста, што е обврска на институциите и локалните власти, но сега гледаме дека сме ставени пред свршен чин без никакво информирање на оние најзасегнати од планот – граѓаните,“ велат од невладината организација.

Град Скопје се финансира од националниот буџет и постои за да им го подобри животот на жителите на градот, а притоа мора да соработува со граѓаните како би ги согледал нивните потреби. Сметаме дека игнорирањето и избегнувањето на јавното мислење се непотребни и недозволиви, особено бидејќи Градот не би требало да стравува од критика кога се работи за ваков позитивен документ.

Сепак, транспарентноста и учеството на јавноста мора да се приоритет. Затоа бараме Зелениот акциски план да биде соодветно објавен, ставен на располагање на граѓаните во тек на 30 дена и за него да се организира јавна расправа пред неговото усвојување. Воедно, бараме Градот да поднесе барање за мислење од Министерството за животна средина за потребата од спроведување на постапка за стратегиска оцена за влијание врз животната средина. Истовремено ги повикуваме советниците да го побараат истото на утрешната седница,“ велат во реакцијата од Еко-свест.

Би можело да ве интересира

ВИДЕО: Град Скопје засади нов дрворед со 300 дрвја на булевар АСНОМ

Ана Ололовска

Шилегов: Зимската служба подготвена, и годинава нема изненадувања

Ана Ололовска

ВИДЕО: Се поставуваат патокази и инфотабли на Водно и на Скопска Црна Гора

Ана Ололовска

Пожарникарите и Град Скопје најдоа привремено решение за проблемот со додатоците на плата

Шилегов: Воведуваме нови стандарди за градски тротоари

Ана Ололовска

Град Скопје: Голиот популизам и лицемерието на советниците од ВМРО-ДПМНЕ се погубни политики за граѓаните

Ана Ололовска