ЕК: Нема „драматично подобрување“ во аерозагадувањето во С. Македонија и регионот

Од:

Европската комисија денеска го презентираше својот редовен извештај за состојбата со аерозагадувањето во Европа, кој ги вклучува и шесте земји до западниот Балкан, во кој се оценува дека состојбата се уште е незадоволителна, јави дописничката на МИА од Брисел.

Здравјето на жителите на Северна Македонија и останатите земји од регионот и натаму е сериозно загрозено, покажуваат последните бројки на извештајот на Европската агенција за животна средина за 2018 година, што резултира во висока стапка на прерана смрт, пред сѐ поради високата концентрација на ПМ2,5 честички во воздухот, се наведѕува во извештајот.

Ако највисоката стапка во апсолутни бројки е во Германија, Италија, Полска и Франција поради обемното население, во релативни бројки, ефектот е најнегативен на Балканот.

– Кога се гледаат изгубените животни години во релативна смисла, најсилен импакт има во централна и источна Европа каде се измерени највисоките концентрации на ПМ2,5 честички, односно Косово, Србија, Албанија, Бугарија и Северна Македонија, се нагласува извештајот.

Европскиот комесар за животна средина Вириниус Синкевичиус порача дека Европската комисија им стои на располагање на земјите од регионот за помош, посебно преку Зелениот договор за западниот Балкан.

– Главната причина е греењето на домаќинствата, повторно не гледаме драматично подобрување кое е потребно за здравјето на граѓаните. Комисијата е подготвена да соработува со регионот, подготвивме Зелен договор за регионот и оптимисти сме дека можеме да постигнеме опипливи и видливи резултати, изјави Синкевичиус за МИА.

Извршниот директор на Европската агенција за животна средина, Ханс Брејнинкс, подетално се осврна на коренот на проблемот за регионот.

– Работиме со шесте земји од Западниот Балкан под претпристапниот инструмент за зајакнување на мониторингот, за да имаме правилни податоци и со тоа да помогнеме за креирање политики таму, рече Брејнинкс.

Според него, еден од главните проблеми е употребата на цврсти горива. – Пред сѐ употребата на цврсти горива, употребата на јаглен во индустријата, енергетскиот сектор и горењето на дрво во домаќинствата, вели Брејниникс, но и фактот што во регионот возилата што се користат се стари и повеќе загадуваат.

– Општата проценка е дека регионот сѐ уште треба да го постигне нивото на технолошки развој и подобрувања, заклучи директорот на Агенцијата за животна средина.

Би можело да ве интересира

ИКС: Да зборуваме повеќе за животната средина во време на растечка еколошка криза

Стојковски: Несовесни граѓани во моментот се главните причинители за загадување на воздухот

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

СДСМ: Градоначалниците на ДПМНЕ не преземаат ништо против загадениот воздух во Скопје,

Катерина Ѓуровски

Шукова: Граѓаните да користат суво дрво, 45 отсто од загадувањето доаѓа од домаќинствата

Орце Костов

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов