„Единствена Македонија го повикува Зоран Заев да го информира и македонскиот народ дали веќе договорил целосно обезличување на Македонија и Македонците.
Ова од причина што, Заев на кафе-муабет средби со академици во МАНУ, сорососоидни уредници на медиуми и останати македонци со изгубено национално чувство, ги информира за погубните решенија за името и идентитетот на македонскиот народ.
Исто така, албанскиот коалициски партнер во владата, секојдневно го информира албанското малцинство во земјата дека веќе е договорено бришење на македонците како нација.
Да потсетиме дека и грчкиот министер Коѕијас го информира својот грчки народ за решение за името според договорот од Давос кое опфаќа промена на името, идентитетот, јазикот, трговската употреба, акронимите и знаците, промена на уставот, пасошите и личните карти.
Значи, сите знаат за нашето обезличување, а Заев не го информира само македонскиот народ за оваа опасна авантура со промена на името и идентитетот.
Затоа, Единствена Македонија го повикува Заев да не се плаши и да го го информира и македонскиот народ дали веќе договорил обезличување на Македонија и Македонците.
По доаѓањето на легална власт во Македонија, една од целите на Единствена Македонија е сојуз со Русија и поништување на сите погубни акти за Македонија. Ова многу бргу ќе стане реалност оти новите геополитички поместувања на Балканот се навестуваат и тие доаѓаат“ се вели во соопштението на Единствена Македонија.