„Единствена Македонија со жалење констатира дека лидерот на ВМРО-ДПМНЕ, Христијан Мицкоски не може да разбере што значи политички интерес, а што значи национален и државен интерес.
Мицкоски најави можно враќање во ВМРО-ДПМНЕ на осумината купени и уценети пратеници кои се одметнаа од ВМРО-ДПМНЕ за да го извршат најголемото предавство во поновата македонска историја со обезбедувањето на неопходните гласови за уставните измени за бришење на се што е македонско.
Мицкоски враќањето на осумината пратеници во ВМРО-ДПМНЕ го правда со изјавата дека во политиката ништо не било невозможно, со што, Мицковски опиен од желбата за власт не може да разбере што значи национален и државен интерес, бидејќи, бришењето на светото македонско име, идентитетот, историјата и традицијата на македонскиот народ со клучната улога на осумината пратеници не може да се гледа според логиката на политиката, туку треба да се гледа според логиката на нацијата и државата и дека нивното предавство треба да остане забележано“, се вели во соопштението на Единствена Македонија.