„Единствена Македонија со жалење констатира дека и покрај тоа што најавата на руското МНР дека прашањето за името треба да биде разгледано во Советот за безбедност на Обединетите нации е добро во обидот да се спречи да се избрише се што е македонско, македонското министерство за надворешни работи вчера со соопштение повторно регаираше во негативен контекст на искрените намери на Русија за почитување на светото македонско име, идентитетот, историјата и традицијата на македонскиот народ.
Ова е стара практика на министерот во МНР, Никола Димитров, да прави провокации на антируска основа и да го руши концептот на пријателски односи со Русија.
Од друга страна, помина еден месец од вознемирувачката информација на „Викилис„ дека министерот Димитров шпионирал за американската ЦИА за преговорите за името кои биле државна тајна.
Јавноста сеуште очекува одговор од марионетата Зоран Заев дали министерот Никола Димитров активностите на антируска основа, вклучително и протерувањето на руски дипломат од Македонија ги прави во својство на министер или во својство на шпион на ЦИА“, соопштуваат од Единствена Македонија.