Еден загинат и четворица повредени во железничка несреќа кај Ногаевци

Од:

Едно лице загина и четворица се повредени во сообраќајна несреќа што се случи попладнето меѓу патничко моторно возило и товарен воз на обележан премин меѓу железничката станица Згрополци и Градско.

Од Службата за Итна медицинска помош при Здравствениот дом Велес за МИА информираа дека е починато 24-годишно момче, а една жена со потешки повреди е пренесена на клиниките во Скопје. Останатите тројца се згрижени во Велешката болница.

Несреќата се случила во 12:10 часот кога возилото марка „форд галакси“ со велешки таблички без да ја почитува сигнализацијата навлегло на пругата.

На патниот правец обезбеден со звучни и светлосни сигнали кои биле исправни, патничко моторно возило без да ја почитува сигнализацијата, навлегло во профилот на пругата и било удрено од товарен воз на патен правец кај селото Ногаевци, Градско, велат од Македонски железници – Транспорт за МИА.

Од МВР информираат дека железничкиот сообраќај на тој дел од пругата е во прекин се до завршување на увидот.

Би можело да ве интересира

Тројца пациенти повредени во „Пулс“ сè уште се лекуваат во странство

Горан Наумовски

Повредените од „Пулс“ од утре ќе може да одмараат во одморалиштето на Пониква

Повеќе од 32 повредени во денешните ирански напади врз Израел

(ВИДЕО) Најмалку 50 повредени во Ливерпул, двајца се во критична состојба, од кои едно е дете

Очевидец од Ливерпул: Возачот застана на момент, а потоа продолжи со возилото да удира во луѓето

Горан Наумовски

Полицијата соопшти дека е уапсен 53-годишен маж од британско потекло за инцидентот во Ливерпул

Горан Наумовски