Еден мртов, двајца повредени во престрелката во Чаир – детали од МВР и од Обвинителство

Од:

Во престрелката што се случи синоќа во скопски Чаир има една жртва и двајца повредени потврдува Министерството за внатрешни работи.

„На 11 февруари 2025 година, во 00:06 часот, во СВР Скопје од болницата ‘Св. Наум Охридски’ беше пријавено дека кај нив биле донесени две лица со повреди од огнено оружје, од кои едното подоцна им подлегнало на повредите. Полицијата презеде мерки и утврди дека тие учествувале во вооружена престрелка на подрачјето на Чаир“, информираат од МВР.

Во врска со инцидентот, полицијата во раните утрински часови уапсила четири лица, за кои постои сомнеж дека биле инволвирани во престрелката. Во 01:40 часот во болницата бил уапсен Б.Б. (39) од Скопје, додека Н.Д. (22) бил приведен на подрачјето на Чаир. Подоцна, полицијата успеала да ги пронајде и Р.Р. (41) и К.Т. (28), кои исто така биле лишени од слобода.

„Лицата се задржани во полициска станица, а по целосно расчистување и документирање на случајот, против нив ќе бидат поднесени соодветни пријави“, додаваат од МВР.

Дежурен јавен обвинител од Основното јавно обвинителство Скопје изврши увид на лице место во скопската општина Чаир, каде во оружен инцидент ноќеска беше убиено едно лице, а две беа повредени, информираа од јавното обвинителство.

Според првичните сознанија, во престрелката учествувале повеќе лица, а од местото на настанот се подигнати траги и чаури кои ќе бидат предмет на вештачење. Обезбедени се и снимки од видео надзор кои се прегледуваат. Исто така, издадена е наредба за обдукција на телото на починатиот, а се работи на целосно испитување на настанот и утврдување на причините.

Би можело да ве интересира

Шест лица се уапсени за тројно убиство во фризерски салон во градот Упсала

Убиство во Скопје: Си ја уби сопругата, па сакаше да избега во Србија

Горан Наумовски

Двајца браќа од Арачиново обвинети за убиство на татко и син

Горан Наумовски

(ВИДЕО) Инцидент во Франција: Ученик избодел соученици, најмалку едно лице е убиено, четворица се тешко ранети

Го убиле и го запалиле телото за да му украдат 6000 денари, притвор за браќата од Луке

Катерина Ѓуровски

Ѓорчевски: Во моментот кога го одземале животот на Вања, го одзедоа и мојот живот

Предраг Петровиќ