Џафери: Собранието не може да се состави, одлуката за вонредна состојба оди кај шефот на државата

Од:

Во врска со најавената вонредна состојба претседателот на собранието Талат Џафери во изјава за медиумите рече дека Собранието нема правен основ да се состане и дека сите ингеренции во врска со објавувањето на вонредната сотојба преминуваат во рацете на Владата и Претседателот на државата.

„Предусловите за одржување на изборите се невозможни и непотребни и свесни сме за новата состојба. Изборите не треба да се одржат.Од правен аспект, а во разговор со експертите, дојдено е до заклучок дека Собранието не може да се собере, како резултат на претходната одлука за самораспуштање, со што Собранието го има вратено суверентитетот кај граѓаните и не може да одлучува во нивно име. Во тој контекст предлогот беше дека е неопходно да се објави вонредна состојба која ќе овозможи на други надлежни институции соодветно да функционираат и да делуваат во контекст на новонастаната ситуација“, рече Џафери.

Според него, од моментот на прогласување на вонредната сотојба, надлежностите на Собранието во смисла на законодавство преминуваат во надлежност на Владата која со уредби со сила на законот треба да ги уредува сите околности кои се поврзани за потребата за објавување вонредна состојба.

„Она што е во најава е дека од Владата ќе добиеме предлог- одлука. Се уште не е стигната, но ја очекуваме во секој момент. Во подготовка е предлог одлуката, и кога ќе пристигне ќе бидете информирани. Истата предлог одлука врз основа на Уставот , поради општа констатација дека собранието не може да се собере ќе биде преупатена до Претседателот кој треба да постапи како што е пропишано. Се надевам дека Претседателот ќе постапи согласно проценките на ситацијата. Од друга страна Собранието не може да се состане и како последица на мерките за забрана за собирање на поголеми групи граѓани во една просторија “ рече претседателот на Собранието Џафери.

Би можело да ве интересира

Ангелов: Џафери не може да ме разреши сам, средба со него во овој момент е излишна

Орце Костов

Џафери: Владата има обврска да спроведува закони, затоа ги усогласивме коефициентите за плата

Орце Костов

Џафери: Прописите се јасни за ограничувањата за функционерите при користење ресурси

Џафери за новите автомобили: Лизингот е поевтино решение, ако останат во Владата одржувањето ќе биде скапо

Орце Костов

Џафери: Законот е јасен дека треба да има врзан потпис

Џафери: Со измените на изборниот законик нема целосно да се реши проблемот со валидноста на документите во изборниот процес