Претседателот на Собранието, Талат Џафери, не гласал на референдумот затоа што го немало на Избирачкиот список.
„Точно е дека ме немаше на Избирачкиот список, се надевам дека е изолиран случај и дека немало слични ситуации“, рече Џафери.
Тој рече дека Собранието е легитимно и легално од изборите од 2016 година. „Собранието ќе продолжи да се обидува да има консензус по прашањето за Договорот со Грција бидејќи е национално прашање“, рече Џафери.
Тој истакна дека граѓаните докажале дека се на ниво на културата на демократките земји и дека денот поминал без пријави за сериозни неправилности. „Гласот на сувереност одлучува за иднината на оваа земја. Ова е основа за идните процеси на иституциите на системот“, рече претседателот на Собранието.
За малиот одѕив на референдумот, Џафери рече дека ангажманот на Владата не е одговорен за излезноста на референдумот. „Битно е што обезбедивме можност граѓаните да изразат волја во гласачките кутии. Резултатите ќе се ценат кога ќе бидат конечни“, додаде Џафери.
Галена Николовска-Ризвановиќ