Претседателот на Собранието на РМ, Талат Џафери, во интервју за српската Н1 телевизиja запрашан за неговиот личен однос со експремиерот Никола Груевски изјави дека против него нема ништо лично, а нападот на седницата на која се изгласуваше законот за употреба на јазиците е поради психолошката криза во која се наоѓа Груевски поради судските процеси за кривични дела кои се водат против него.
– Јавните личности се сами одговорни за нивното однесување во јавноста. Нападот е одраз на психолошка криза со оглед на тоа дека многу процеси за кривични дела се водат против него, како и неговата смена од претседателската функција во партијата. Сето тоа беше причина за во дадениот момент тој да не може да се исконтролира себе, рече Џафери.