Џафери – Алтхаузер: Поддршка од Германија за македонските евроинтеграции

Од:

Пред новиот собраниски состав стојат многу важни задачи, а функцијата претседател на Собранието има клучна улога, порача амбасадорката на Сојузна Република Германија Кристине Алтхаузер на денешната средба со претседателот на Собранието на Република Македонија Талат Џафери.

Германија, рече амбасадорката, продолжува со континуираната поддршка на патот на Република Македонија кон евроатлантските интеграции. По одржувањето на германските парламентарни избори, се очекува и интензивирање на контактите меѓу пратениците на двете држави, на ниво на групи за соработка и работни тела.

Џафери се заблагодари за поддршката, ја информираше Алтхаузер за тековните собраниски активности и истакна дека активностите во следниот период ќе бидат фокусирани на подигнување на рејтингот на Собранието како вистински сервис на граѓаните и на отвореноста на институцијата.

На крајот на средбата, амбасадорката истакна дека и по завршувањето на нејзиниот мандат, ќе продолжи со голем интерес да ги следи случувањата во Република Македонија.

Би можело да ве интересира

Мерц: Путин сериозно да ја сфати понудата на претседателот Трамп

Новата реалност во Германија: Десничарите од AfD се убедливо најпопуларната партија

Предраг Петровиќ

Рекордер од германски автопат – возеше неверојатни 321 км/ч

А1он

Волф: Турција со години ја поттикнува исламизацијата на некогаш секуларните Бошњаци

(ВИДЕО) Се зголемува бројот на загинати и повредени во железничката несреќа во Германија

Горан Наумовски

Железничка трагедија во Германија: Најмалку тројца мртви, десетици повредени