Двојно е намален водостојот на Црна Река кај Новаци во однос на јануарскиот просек, а намалени се и нивоата на Црни Дрим кај Ложани, на Треска кај Македонски Брод, на Вардар во Скопје кај Зајчев Рид, кај Велес и кај Демир Капија и на Сатеска кај Ботун, покажуваат денешните хидролошки мерења на Управата за хидрометеоролошки работи.
Околу јануарскиот просек, но со благо зголемување, е само водостојот реката Вардар кај Јегуновце.
Кај Охридското, Преспанското и Дојранското Езеро нема поголеми промени на водостојот во споредба со просекот за јануари.