Две лица повредени на охридска плажа, по удар од гром

Од:

Две лица се пренесени во болница, откако биле повредени по удар од гром. Настанот се случи на плажата „Оревче“, во близина на кампот „Градиште“ во Охрид, попладнево, откако градот го зафати силно невреме со дожд, ветер и грмежи.

Неофицијално, станува збор за две лица од Ресен и Битола. Тие се пренесени во Медицинскиот центар во Охрид. Едното лице има изгореница на ногата, а другото проблеми со слухот.

Денеска на плажата беше откажан и настапот на двајца диџеи, поради лошото време. Најголем дел од плажите целосно се испразнија, како и масите од угостителските објекти кои се поставени на отворено. Вакво време имаше и вчера, се очекува и наредните денови, со поинтензивни врнежи на дожд и појава на град.

Центарот за управување со кризи излезе со препораки и апел за наредните денови, за кога е најавено променливо облачно, врнежливо и посвежо време, претежно попладне наместа со пороен дожд и грмежи.„Покрај потребата за превенција заради најавеното невреме со поројни дождови и ветар, до субјектите од системот за управување со кризи, ЦУК апелира и за лично граѓанско превентивно однесување за време и после невреме во одредени локални региони. Покрај препораката за градоначалниците и субјектите во Системот за управување со кризи за преземање превентивни мерки, неодминливо е да се апелира и до сите граѓани да не движат покрај речни корита и суводолици (за време и по локално невреме), заради можни брзи и ненадејни порои, да престојуваат и да се засолнуваат во простори што се на пониско ниво и може да бидат поплавени и секако, во случај на појава на грмежи и електрични празнења се препорачува поголема внимателност – да не се престојува на отворен простор и под осамени дрвја“, информираа од ЦУК.

Би можело да ве интересира

Министерката Стефоска и градоначалникот Пецаков за зачувување на статусот на Охридскиот регион во УНЕСКО

А1он

Четворица загинати во невремето во Истанбул

А1он

ВИДЕО: Катастрофално невреме во Истанбул, летаат покриви од згради и фасади, има и мртви

А1он

СДСМ: ВМРО-ДПМНЕ продолжува каде што застана пред четири години со уништување на Охрид и Охрдиското Езеро

А1он

Пецаков најави уредување на плажите на Охридското Езеро и нивно повторно издавање под концесии

Ана Ололовска

Индекс на отвореност: Охрид најотворена општина во државава, најзатворена Пласница

А1он