Дурловски се повлекува од пратеничката функција

Од:

Пратеникот Игор Дурловски од ВМРО-ДПМНЕ го напушта Собранието. Тој на социјалните мрежи напиша дека негови приоритети се националните интереси, по што посочи дека боде кога политичката прагма станува поважна од моралот. Дурловски објасни дека тоа што го зборувал, не може да го направи.

„Националните интереси, правда за неправедно прогонетите и нормална држава за нашите деца беа/се мои приоритети. Пратеничката фотелја боде кога политичката прагма станува поважна од моралот. Затоа, го напуштам Собранието на Република Македонија, а на колегите од Коалицијата ‘За обнова на Македонија’ им посакувам истрајност, доследност, мудрост, којашто сум сигурен дека ја имаат. Тоа што го зборував не можам да го направам, но сега нема да зборувам а ќе продолжам да го правам! Останувам доследен на моите поддржувачи и нивниот глас“, напиша Дурловски.

Инаку, Дурловски беше носител на листа во изборната единица пет, од ВМРО-ДПМНЕ.

Партијата во реакција на неговата објава, вели дека „тоа е личен став на Игор Дурловски, којшто ние го почитуваме“.

„Како што и Дурловски сам кажува, тој останува верен на Македонија, но и на Коалицијата За обнова на Македонија и на ВМРО- ДПМНЕ. Меѓу другото, Дурловски останува и стратешки соработник на претседателот на ВМРО-ДПМНЕ проф. д-р. Христијан Мицкоски“, велат од ВМРО-ДПМНЕ.

Би можело да ве интересира

ВМРО-ДПМНЕ: Заев одби единство во разговорите, за да сега со осудениот криминалец Бучкоски ја продаваат Македонија

Ана Ололовска

ВМРО-ДПМНЕ: Филипче го одби предлогот за бесплатни КОВИД тестови, директно загрозувајќи животи на граѓани

Ана Ололовска

Заев: Обидот да се блокира Собранието е опасно, срамно и неодговорно однесување

Катерина Павлова-Николовска

ВМРО-ДПМНЕ утре на блокади во Скопје и на протести во 15 града

Катерина Павлова-Николовска

Владата бара кризна состојба и во наредните шест месеци

Катерина Павлова-Николовска

Мицевски: Избегнувањето на дијалог е една од причините за поднесувањето на трите илјади амандмани за Деловникот

Ана Ололовска