ДУИ: Во последните две години во Чаир се изградени над 150 бесправни објекти

Од:

Демократската унија за интеграција изразува длабока загриженост за алармантната ситуација што се одвива во Општина Чаир, каде според Градот Скопје, само во последните две години се изградени над 150 бесправни објекти, претворајќи една од најгусто населените урбани зони во Европа во неподносливо и опасно место за живеење на над 62 илјади граѓани, тврдат од ДУИ.

„Објавените снимки од самата градоначалничка на Скопје, кои прикажуваат градби покрај училишта, приватни куќи и тесни улички во старите маала, се потресен доказ за еден хаос кој е или поддржан или толериран од институциите. Денешниот Чаир изгледа како мозаик од случајни градби – без план, без логика, и пред сè, без никаква грижа за јавната безбедност.

Отворање темели без заштита, високи згради кои го блокираат светлото на еднокатните куќи, објекти до училишни дворови што го загрозуваат животот на децата , ова е сликата на реалноста што бара итен одговор. Државните институции не реагираат. Нема сигнал од инспекциските служби, ниту интервенција од надлежните структури задолжени за надзор на законитоста.

Оваа неактивност е неприфатлива и претставува директен неуспех на системот да го заштити јавниот интерес и урбаниот ред. Нереагирањето стана дел од проблемот. ДУИ бара надлежните институции веднаш да преземат мерки за да ја истражат и сопрат оваа опасна појава. Државниот молк не смее да биде штит за оние што систематски го уништуваат единствениот животен простор на жителите на оваа општина. Ова повеќе не е само урбанистички проблем , ова е криза на јавната безбедност и на граѓанското достоинство. ДУИ цврсто стои на страната на жителите на Чаир и бара враќање на законитоста, институционалната одговорност и почитувањето на секојдневниот живот на луѓето кои заслужуваат да живеат во безбедна и достоинствена средина“, велат од партијата.

Би можело да ве интересира

Вреди: Функционери на ДУИ се обидоа по секоја цена да го вратат Никола Груевски на власт и да го ослободат Сашо Мијалков

ДУИ: Вистината е дека Македонија сè повеќе тоне во изолација

ДУИ: Вработувањата во државните институции се одвива селективно

ВРЕДИ: Бришењето на дијаспората од пописот е тешко предавство, ДУИ не може да се крие зад молкот

ДУИ: Во Министерството за спорт од 50 вработени, само четворица се Албанци

ДУИ: Албанците не се наивни и никогаш нема да прифатат да бидат предмет на „дигитален инженеринг“