Последните практики за вработување во новоформираното Министерство за спорт предизвикуваат сериозни загрижености во однос на почитувањето на правичната етничка застапеност и уставните обврски во Македонија, велат од ДУИ.
„Од вкупно 50 вработени во оваа институција, само четворица се Албанци. Ниеден од раководителите на сектори не е Албанец. Во последниот бран на вработувања биле примени 15 нови лица, ниту еден од нив не е Албанец. Ова не е изолиран случај, туку јасен пример на исклучувачки модел кој ја поткопува и духот и буквата на Охридскиот рамковен договор, како и на Уставот на Република Северна Македонија. Уште позагрижувачки е фактот што овој дискриминаторен пристап се случува во институција која дури сега се формира што требаше да биде можност за вистинска еднаквост, е претворено во уште еден симбол на нееднаквост. Ќе има правна и политичка одговорност за сите што ги исклучуваат Албанците од институциите како и за оние што ги легитимираат ваквите практики, велат од партијата.