ДУИ: Прво Коридорот 8 го прогласија за закана по националниот идентитет, а сега се фалат со него

Од:

Кога Демократската унија за интеграција работеше на обезбедување на финансирањето за Коридорот 8, тие гласаа „против“. Кога ја потпишавме спогодбата, не обвинија за криминален и коруптивен договор, велат од ДУИ.

„Кога започнаа градежните работи, тие мобилизираа сè што имаа на располагање за да не сопрат — со изјави, кампањи, блокади и отворена пропаганда. Но, уште поопасно и посрамно беше тоа што не го напаѓаа проектот само како “прескап” или “сомнителен”. Го прогласија за закана по националниот идентитет.

За дел од наводен опасен проект за „Голема Албанија“. Го претворија во политичко оружје за ширење страв, паника и етнички поделби. Со недели ги мачеа психолошки граѓаните, тврдејќи дека овој проект ќе ја уништи државата. Одеа толку далеку што ги обвинија и нашите стратешки сојузници — САД — за вмешаност во некаков „темен план“. А денес?

Денес се сликаат пред истиот тој проект како да е нивен. Денес се обидуваат да го претстават како своја лична заслуга, како политичка победа. Ова не е политика. Ова е недостаток на карактер. Ова е хипокризија. Оние што го саботираа проектот немаат ниту морално, ниту политичко право денес да го присвојуваат. Напротив — тие треба јавно да се извинат за стравот и поделбите што ги посеаја, за блокадите и лагите што ги ширеа со години. Коридорот 8 е визија. Тоа е резултат на нашата истрајна работа, на нашата верба во евроатлантската иднина и на цврстото партнерство со нашите американски и европски пријатели. Народот не заборави кој градеше, а кој саботираше. И историјата ќе ги постави сите таму каде што навистина припаѓаат, тврдат од партијата.

Би можело да ве интересира

Влен: ДУИ нема свои кандидати на изборите, се надева на милоста на Села и Таравари

ДУИ: Владата молчи за исклучувањето на дијаспората од пресметување на бројот на населението

Кривична пријава за градоначалникот на Кичево, Фатмир Дехари

Катерина Ѓуровски

Адеми: Бараме истрага за работата на безбедносните служби од 1945 наваму и проверка на потеклото на имот на сите носители на јавни функции

ДУИ: Претстојните локални избори не се само натпревар за управување со општините, туку се политички референдум

Вреди: ДУИ не кажа зошто Бујар Османи одржал 11 средби со српскиот шеф на дипломатијата