ДУИ обвинува за незаконски тендери, Таравари негира

Од:

Тендерите на општина Гостивар ги раскараа ДУИ и градоначалникот Арбен Таравари.

Од гостиварскиот огранок на ДУИ испратија неколку соопштенија до медиумите, со обвинувања дека локалната власт на чело со Таравари, направила сериозни злоупотреби и прекршувања на тендерските постапки.

„Таравари тврди дека јавните набавки се направени на совршен начин и во согласност со законот, но надлежните институции се изјасниле поинаку. Државната комисија за жалби на јавните набавки, донесе решение во кое се констатирани повреди во однос на јавните набавки за хоризонтална сигнализација на улиците и патиштата во Гостивар. Поради утврдување на повреда на Законот за јавните набавки, комисијата ја укина одлуката за избор на најповолна понуда и ја поништи постапката“, реагира ДУИ.

Од гостиварскиот огранок на ДУИ се сомневаат во законитоста и на тендерот за изработка на идејно решение за Аква парк во Гостивар. Велат кој вдека е доделен на фирма која го подготвила проектот пред да биде објавен огласот. Според огранокот, во концептуалниот дизајн на компанијата која ја добила јавната набавка, јасно се гледаат фотографии, направени за време во зимската сезона, а тендерот како што велат бил објавен во мај.

Гостиварскиот градоначалник Арбен Таравари одговори со отфрлување на сите обвинувања. Вели дека како локална самоуправа работат во согласност со законите.

„Ние сме сериозна власт и работиме како што треба. Тендерот за Аква паркот беше за изработка на идејно решение, не за изградба на паркот. Изборот го направи комисија, а не јас. Знам дека најдобриот проект е на реномирана фирма од Скопје. И другите два проекти кои беа на автори од Гостивар беа одлични, но имаа недостатоци“, изјави Таравари.

Тој ги повика граѓаните да ги следат јавните набавки, тие се јавни, да се информираат и да направат увид во документите, а доколку забележат неправилности да пријават во надлежните органи.

Би можело да ве интересира

ВМРО-ДПМНЕ: Нема голем скандал во Македонија, а трагите на парите да не водат директно во Зајас кај Али Ахмети

А1он

ВЛЕН до ДУИ: Јавноста заслужува одговори за вашите финансиски врски со Србија

ДУИ предупредува: Забраната за полагање правосуден испит на албански е спротивна на Законот

Андоновска: Законите во ИЈЗ ќе продолжат доследно да се почитуваат и да важат подеднакво за сите

А1он

Хоџа: Непочитувањето на Законот за употреба на јазиците прераснува во загрижувачки тренд во државните институции

Горан Наумовски

ДУИ: За првпат од 1995 година нема примен ниту еден албански кадет во Воената академија