ДУИ: Како автори и спроведувачи на Охридскиот договор, нема да дозволиме негова ревизија

Од:

По повод 24-годишнината од потпишувањето на Охридскиот мировен договор, Демократската унија за интеграција ја потсетува и нагласува историската одлука кога Албанците и Македонците решија да му стават крај на воениот конфликт и да изградат заедничка држава заснована врз еднаквоста, стабилноста и евроатлантската интеграција. Овој документ, гарантиран од САД и ЕУ, трајно ја измени насоката на нашата држава, стои во соопштението на ДУИ.

„Во текот на овие две и пол децении, со работа и посветеност беше променет Уставот, се обезбеди официјална употреба на албанскиот јазик, се афирмираа националните симболи, се изградија универзитети, училишта, болници и модерна инфраструктура. Албанците беа застапени во сите институции, достигнувајќи ја и позицијата на првиот албански премиер – ветување исполнето со дела, а не само со зборови.

ДУИ придонесе за јакнење на меѓуетничките и меѓусоседските односи, за членството во НАТО и за отворањето на преговорите за членство во Европската Унија. Од овие успеси придобивки имаше целата држава – никој не изгуби.

Како автори и спроведувачи на Охридскиот договор, нема да дозволиме негова ревизија или обиди за обезвреднување на заедничките достигнувања. Краткорочниот популизам и предизборните игри не можат да ја заменат одговорноста на државниците кои размислуваат за иднината на земјата.

Оние што немаат никаков национален придонес, а денес се претставуваат како судии на историјата, не можат да одлучуваат за жртвувањата и победите на нашиот народ. Охридскиот договор не е ничија сопственост, туку заедничко наследство и гаранција за еднаквоста на граѓаните.

Денес, повеќе од кога било, е време да останеме обединети, поврзани за нашите корени, а не за тесни интереси. Само заедно можеме да го одбраниме националното достоинство и да обезбедиме четвртина век од Охридскиот договор да нè најде горди, а не наведнати. ДУИ е секогаш во служба на еднаквоста, стабилноста и европската интеграција на земјата, велат од партијата.

Би можело да ве интересира

Владата уште еднаш ја потврди својата дискриминаторска политика кон Албанците, велат од ДУИ

Горан Наумовски

ДУИ: Еднојазичните униформи не се само облека

ВРЕДИ: Селотејп коалицијата Таравари-Села-Ахмети е најголемата политичка измама

Катерина Ѓуровски

Детектор за лаги треба под итно да се инсталира во штабот на ДУИ во Мала Речица, велат од Влен

Горан Наумовски

ДУИ за 20 години остави празнина, неуспех и сиромаштија во општините, велат од Влен

Османи: Владата е во паника, праќаат емисари за да бидеме дел власта

Горан Наумовски