Демократската унија за интеграција вечерва одлучи да ги повлече сите сегашни претставници од извршната власт на Република Македонија, извести партијата преку соопштение.
“Претседателството исто така го овласти претседателот на партијата Али Ахмети да одлучи за следните чекори на Демократската унија за интеграција, стои во соопштението на партијата.
Информацијата ја потврди и шефот на кабинтетот на Ахмети, Артан Груби преку својот фејсбук профил.
„Централното раководство на ДУИ одлучи да ги повлече своите актуелни претставници од извршната власт на Република Македонија. Претседателството, исто така, ги потврди статутарните права и ги делегира сите извршни права и овластувања за донесување одлуки на претседателот Али Ахмети за да одлучи за следните чекори на Демократската унија за интеграција. Демократската Унија за Интеграција, исто така, ја информира локалната и меѓународната јавност дека ќе ги преиспита своите политики во наредните денови, напиша Груби.
Од партијата не кажуваат која е причината за овој чекор.