На вчерашната расправа за доверба на Владата, СДСМ и другите опозициски партии, се обидоа на најперфиден начин да влијаат на меѓуетничките односи како и да создадат недоверба помеѓу коалиционите партнери, тргнувајќи од максимите „Што полошо за државата, толку подобро за нив“, се вели во денешното соопштение на Демократскиот сојуз.
Од партијата сметаат дека СДСМ, на расправата, вчера, ја пропуштила можноста да дискутира за правото, борбата против криминалот и за економијата, користејќи го своето време за неаргументирани напади.
Оттаму додаваат дека опозицијата се обидува да дојде на власт само преку нестабилност, со предизвикување на криза и преку меѓуетнички тензии, но, и порај тоа, граѓаните им даваат целосна поддршка на владеачките партии.