Српската полиција рано утрово запрела државјанин на Северна Македонија на возраст од 32 години, кој возел пијан и дрогиран по автопатот Ниш- Белград со брзина од 173 километри на час, на место каде што ограничувањето изнесува 130 километри на час.
Како што се наведува во соопштението на српското Министерство за внатрешни работи, сообраќајната полиција на наплатната рампа Врчин кај Белград во 4 часот и 45 минути запрела автомобил марка „Порше Карера“, управувано од државјанин на Северна Македонија.
Утврдено е дека тој возел без да има положено возачки испит и со 0,28 промили алкохол во организмот, што е над дозволениот лимит од 0,2 промили, додека со тестот за дрога е утврдено дека е под дејство на кокаин.
Возачот е приведен во службените простории на полицијата и против него ќе биде поднесена соодветна прекршочна пријава, велат од српската полиција.
