Премиерот Никола Груевски во моментов е затворен во штабот на ВМРО-ДПМНЕ во Кичево, а граѓани пред штабот не го пуштаат да замине додека не објасни како ДУИ победи во Кичево. „Издаица, продавач на општината, шпиун“, извикуваат луѓето собрани пред штабот, меѓу кои има и членови на ВМРО-ДПМНЕ.
При доаѓањето на Груевски во Кичево, пред штабот на ВМРО-ДПМНЕ, се втурнале десетина луѓе кон него со свирежи и негодување, зашто го предал Кичево.
Атмосферата е тензична, специјалците се распоредени кај црквата спроти комитетот. Специјалци во возила кружат во градот, има пред комитетот преку илјада членови. Членовите на СДСМ се повлекле од гужвата и го затвориле штабот-ја оставиле битката на членовите на ВМРО-ДПМНЕ.
