Новинарот Драган Антоновски стапува на функцијата генерален директор на Македонската информативна агенција (МИА).
Антоновски е избран од страна на новиот Надзорен одбор на МИА за претседател на Управниот одбор, генерален директор и главен и одговорен уредник на Агенцијата.
Драган Антоновски е истакнат новинар, кој работел во јавниот сервис МРТВ, како и во телевизиите А1, Канал 5 и Сител. Основач е на Самостојниот синдикат на новинари на Македонија (ССНМ) каде ја извршуваше функцијата потпретседател, како и на Советот за етика (СЕММ). Член е на Здржението на новинари на Македонија, а ги основал и порталите „Реалити Македонија (2001)“ и „Локално(2013)“.
Антоновски е добитник на повеќе домашни и меѓународни награди за професионален пристап во новинарството и слободата на медиумите.