Демократската партија на Албанците (ДПА) вечерва одржа митинг во Батинци, во општина Студеничани, каде пред голем број на симпатизери на ДПА говореа Азем Садику, кандидат на ДПА за градоначалник на Студеничани, и Регаип Мустафа – носител на листата за советници, како и кои ја презентираа програмата на ДПА за наредните четири години за Студеничани.
– Заедно со мојот тим од партијата, ќе продолжиме со програмата на инвестициите во инфраструктурата, со стимулирање на домашната економија, како и со многу нови проекти што имаат за цел натамошен развој на оваа општина, рече Садику.
На присутните на митингот им се обрати и лидерот на ДПА, Мендух Тачи, кој говорејќи за успесите на Азем Садику, меѓудругото посочи дека способноста и чесноста на личноста е многу значајна за правилно раководството на една општина.