Новата коалиција помеѓу Алијансата на Албанците и Движењето Беса за вториот круг од локалните избори најверојатно ќе иницира промени во владината коалиција. По завршување на изборите, ДПА ќе биде новиот партнер на СДСМ во власта, дознава А1он од партиски извори.
Од партијата велат дека за ова размислуваат подолг период, но после оваа коалиција помеѓу двете албански партии најверојатно ќе дојде до промени.
После излегувањето на Алијансата на Албанците од коалицијата, мнозинството ќе го спасуваат пратениците на ДПА и Чедомир Саздовски кој од неодамна стана независен кандидат по напуштање на партијата ГРОМ на екс градоначалникот Стевчо Јакимовски.
Според изворите на А1он премиерот Зоран Заев и лидерот на ДУИ, Али Ахмети во моментов преговараат кој да ги добие министерствата кои остануваат без министри и заменици.
Министерството за здравство по се изгледа ќе добие нов министер од редовите на ДУИ. Досега на чело на ова министерство беше Арбен Таравари од Алијансата на Албанците кој се кандидираше за градоначалник на Гостивар.
Виктор Јованов