Летоци со „историски факти“ осамнаа вчера на автомобилите на Македонците на паркинг просторот пред трговскиот центар Космос и Икеа во Солун.
На сите автомобили со македонски таблички на ветробранското стакло им биле залепени летоци во кои се наведува зошто она што ние го нарекуваме Македонија не е Македонија, туку Вардарска.
Во летокот пишува:
„За оние што го прокламираат името „Македонија“.
Името на оваа област пред Втората Светска војна било ВАРДАРСКА.
Името МАКЕДОНИЈА им е дадено од нивниот лидер Јосеф Тито ( во прилог ќе ја видите и картата пред 1940-тата година).
Значи тоа е ВАРДАРСКА.
А во прилог и неколку факти за тие што немаат познавање:
1. Александар Велики и неговиот учител Аристотел зборувале Грчки. Не зборувале на ниту еден од словенските јазици
2. Главниот град на Македонија бил Пела (не Скопје) кој сега е дел до Грција.
3. Најголемиот град на Македонија, Солун исто така и припаѓа на Грција.
4. Светиот град на Македонците, наречен Дион, исто така лежи во Грција.
5. Гробот на Македонските кралеви на Вергина истот така е во Грција.
6. Најголемиот и најважен дел на Македонија сега е дел од Грција исто така.
7. Македонците зборувале Грчки, ги обожувале Боговите на Олимп – а планината Олимп исто така е во Грција- и биле дел од Олимписките огри кои биле организирани од Грци и на нив можеле да учествуваат само Грци.
8. И после се како е можно Македонија да биде некаде надвор од територијалните граници на Грција;
И затоа доста беше со оваа шега“.
На летокот покрај кусиот текст со историски факти, залепена е и карта во која е обележана нашата териотија, како земја која треба да се нарекува Вардарска.
Христена Антовска Јованчева