Дончев: Граѓаните ќе имаат придобивки од укинувањето на квотите за лекови на рецепт

Од:

Укинувањето на квотите за лекови на рецепт ќе почне од 1 октомври годинава. Од тогаш ќе почне спроведувањето на нулта фазата, во која при препишување рецепт од лекар и при купување на лекот од аптека ќе се бара на увид здравствена легитимација со лична карта или патна исправа.

Ова на денешната средба со медиумите го соопшти директорот на Фондот за здравствено осигурување (ФЗОМ) Ден Дончев.

Граѓаните ќе можат од аптека да земат и лекови препишани на друго лице со своја лична карта. Секој граѓанин кој има потреба од лек, како што рече, ќе биде покриен во било кое време, од било која аптека.

Дончев смета дека паралелно со ова ќе се елимираат рецептите на хартија и во иднина ќе се работи на електронски рецепти или т.н. е-рецепт. Тоа значи дека од моментот кога ќе се препише рецептот од страна на лекарот, тој влегува во системот, и потоа во било која аптека, по лична карта ќе може да му се издаде лекот на пациентот.

Лекови за деца ќе можат да подигнуваат родителите или некое друго лице кое со себе ќе треба да носи своја лична карта и рецепти. И за старите и изнемоштени лица ќе може лековоите да ги купи друго лице со своја лична карта.

– Воведуваме систем на скенери што ќе ги скенираат податоците од соодветните документи за легитимација. Воведуваме евиденција во реално време за издадени рецепти по број на документ и евиденција во реално време за подигнати рецепти од аптеки, повторно по број на личен документ. Воведуваме систем на т.н. црвени знамиња за контролно реално време каде ќе реагираме агилно и брзо доколку се утврди дека одредени лекари препишуваат повеќе рецепти од дефинираните норми, појасни Дончев.

Првичните проценки се дека инвестицијата за скенери во аптеките ќе чини околу 300 евра за скенер и ќе биде покриена од Фондот. Во моментов има 778 аптеки кои имаат договор со Фондот.

Овој систем досега се применувал во Шведска и наскоро ќе биде официјално промовиран. Од ФЗОМ најавуваат и кампања за информирање на граѓаните. До 30 септември остануваат на сила постојните процедури и правилници.

Би можело да ве интересира

Арменд Арслани нов заменик-министер за здравство

Филипче: На почетокот на идната година нова опрема за болниците, предвидени се и нови вработувања

(ВИДЕО) Филипче: Постигнавме договор за зголемување на платите на здравствените работници и соработници

Татјана Ташкова

Најскапиот лек на светот чини повеќе од два милиони долари

Ана Ололовска

Вакцинацијата против грип ќе почне наскоро, набавени 28 илјади вакцини

Неврологија со поголем условен буџет, зголемен бројот на лекови и пациенти кои примаат терапија

Ана Ололовска