Претседателот на Европскиот совет, Доналд Туск, викендов ќе оствари итна посета на Србија, Албанија и на Република Макеоднија, а по најавите за затворање на границите на овие земји за економските мигранти.
Туск планира в недела наутро да ја посети Албанија и да се сретне со премиерот Еди Рама, а дента околу 13 часот да пристигне во Скопје на средби со премиерот Никола Груевски и со претседателот Ѓорѓе Иванов.
Предмалку од Европскиот совет ја потврдија оваа итна мини-турнеја на Туск во трите балкански земји, што ќе биде и негова прва официјална откако на местото неформален прв човек на Европската унија го наследи Херман ван Ромпуј.
Причините за итната посета од Советот не ги соопштуваат, но според информациите повод е бегалската криза.
Инаку во сабота попладне, предвидено е челникот на Европскиот совет да допатува во Белград, каде ќе се сретне со српскиот премиер Александар Вучиќ.
Во недела наутро, Доналд Туск треба да оди за Тирана на средба со Рама, а во 13 часот е предвидено негово доаѓање во Македонија, каде најпрво ќе оствари средба со претседателот, а потоа и со премиерот Груевски.
Оваа изненадна посета наследникот на Ван Ромпуј, се споменува дека е по повод почетокот на затворање на границите на Македонија и Србија за сите освен за бегалци од Сирија, Авганистан и Ирак.
Имено намерата на Евросоветот, а по одлуката на шефовите на државите и владите на ЕУ-земјите минатиот е во Македонија, Србија и останатите земји долж западно-балканската миграторска рута е привремено да сместат 50 илјади бегалци.