ДОМ: Знамето е државен, а не национален симбол

Од:

„ДОМ остро реагира на поставувањето знаме на друга држава во кабинетот на претседателот на Собранието. Собранието е симбол за парламентарната демократија на Република Македонија како држава, а функцијата Претседател на Собранието е втора највисока функција по значење.

Знамето е државен, а не национален симбол. Затоа ваков гест е апсолутно неприфатлив и спротивен на Уставот и законите и ги повредува чувствата на сите граѓани кои Македонија ја почитуваат како своја држава.

ДОМ се прашува дали се работи за смислена провокација и бара ваков инцидент да не се повтори, зашто тоа би значело свесно потпалување на и онака зовриените страсти. На Македонија во овој миг и треба мирен и демократски трансфер на власта, за да се зачува граѓанскиот и унитарен карактер на државата и да се овозможи трајна стабилност и просперитет на нејзините граѓани. Сите заедно треба да работиме на смирување на тензиите и помирување помеѓу граѓаните со различна припадност по било која основа“ се вели во соопштението на ДОМ.

Би можело да ве интересира

Пратениците дебатираат за ребалансот на Буџетот за 2025 година

Утре на пленарна седница ќе биде дополнетиот ребаланс на Буџетот за 2025 година

Собранието ќе одлучува за дополнетиот ребаланс на Буџетот одобрен од Владата

ДОМ за нападот врз Арсовска: Насилството и дивоградбите не смеат да ја урнат демократијата

Мицевски: Владата има луѓе, има механизација сега и се справува со сите можни и неможни позиции коишто ги има

Левица: Африм Гаши, уценет од ВМРО-ДПМНЕ, илегално ја поништи закажаната Надзорна расправа за Кочани